ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ سه‌رپه‌رشتیا كومبوونا لیژنا بلندا بجهئینانا قانونا چاكسازیێ كر
د كومبوونێ دا گه‌نگه‌شه لدور پێنگاڤێن بجهئینانا قانونا چاكسازیێ د مووچه و ده‌رماله و به‌خشین و ئیمتیازات و خانه‌نشینان ل وه‌زاره‌ت و دام و ده‌زگه‌هێن حكومه‌تا هه‌رێما كوردستانێ هاته‌كرن
سه‌روكی حكومه‌تێ ئاماژه ب وێ چه‌ندێ دا كو ئارمانج ژ چاكسازیێ دادپه‌روه‌ری و پاراستنا مافێ خه‌لكێ ژ هه‌ژى یه و دوپاتكر كو چاكسازی پروسه‌كا به‌رده‌وامه و هه‌مى كه‌رتان ڤه‌دگریت و حكومه‌تا هه‌رێما كوردستانێ ژى دوپاتی لسه‌ر درێژه‌دانا چاكسازیا كارگیری و دارایی و نه‌هێلانا گه‌نده‌لیێ و هه‌روه‌دانا سامانێ گشتی كر هه‌روه‌سا دكومبوونێ دا عه‌بدولحه‌كیم خسر‌و سكرتێرێ لیژنا بلندا بجهئینانا قانونا چاكسازیێ پێنگاڤێن بجهئینانا قانونا چاكسازیێ به‌رچاڤكرن
لدویڤدا وه‌زیرێن په‌یوه‌ندیدار راپورتێن خو سه‌باره‌ت قوناغێن پێشڤه‌چوونا بجهئینانا قانونا چاكسازیێ ب ژماره و داتا پێشكێشكرن كو تایبه‌ت بوون ب بابه‌تێن په‌یوه‌ندیدار ب مووچه و ئمتیازات و خانه‌نشینی و رێكخستنا هێزێن پێشمه‌رگه‌ی و نه‌هێلانا روتینێ ل فه‌رمانگه‌هێن حكومه‌تێ و پشتی گه‌نگه‌شه و دان و ستاندنێ بریار هاته دان هژماره‌كا راسپاردان بو جڤاتا وه‌زیران بهێنه به‌رچاڤكرن وه‌ك پێنگاڤێن تمامكه‌ر د قانونا چاكسازیێ دا
