بهه‌لكه‌فتا وه‌غه‌ركرنا دكتور روژ نورى شاویس ئه‌ندامێ مه‌كته‌با سیاسیا پارتى دیموكراتى كوردستان مه‌سرور بارزانى سه‌روكێ حكومه‌تا هه‌رێما كوردستانێ په‌یامه‌كا به‌هیداریێ پێشكێشكر ئه‌ڤه ده‌قێ وێ یه
بخه‌م وكوڤانه‌كا مه‌زنڤه خه‌به‌رێ وه‌غه‌ركرنا سیاسه‌تمه‌دار وپێشمه‌رگێ ئازا وفه‌رماندێ ب شیان و تێكوشه‌رێ دیارێ كوردستانێ و ئه‌ندامێ مه‌كته‌با سیاسیا پارتى دیموكراتى كوردستان دكتور روژ نورى شاویس گه‌هشته‌مه . دكتور روژ وبنه‌مالا وى یا تێكوشه‌ر روله‌كێ دیار وگرنگ دبزاڤا رزگاریخوازیا گه‌لێ كوردستانێ دا هه‌یه . ب وه‌غه‌ركرنا دكتور روژ گه‌لێ كوردستانێ تێكوشه‌ره‌كێ مه‌زن وسیاسه‌تكاره‌كێ ب ئه‌زمون ژده‌ستدا كو هه‌مى ئه‌و ئه‌ر‌ك و به‌رپرسیاره‌تیێن ل هه‌رێما كوردستانێ وعیراقێ وه‌رگرتین هه‌رده‌م داكوكی كاره‌كێ بهێزێ مافێن خه‌لكێ كوردستانێ بویه ونمونێ وه‌فاداریێ بویه. بڤێ هه‌لكه‌فتا خه‌مگین به‌هى وسه‌رخوشیێن خو ل جه‌نابێ سه‌روك بارزانى وسه‌ركردایه‌تى وئه‌ندامێن مه‌كته‌با سیاسى یا پارتى دیموكراتى كوردستان ول خو وبنه‌مالا خودێ ژێ رازى دكتور روژ دكه‌م خودایێ مه‌زن گیانێ وى ب به‌هه‌شتێ شاد بكه‌ت و سه‌بروهه‌دارێ بده‌ته هه‌مى لایه‌كى
خه‌بات وتێكوشانا دكتور روژ هه‌رده‌م دێ ل بیرامه‌بیت
مه‌سرور بارزانى سه‌ركێ حكومه‌تا هه‌رێما كوردستانێ
پازده‌یى هه‌یڤا دوو دوهزار و بیست و ئێك
