ئهڤرو مهسرور بارزانى سهروكێ حكومهتا ههرێما كوردستانێ دگهل كیریاكوس میتسوتاكیس سهروك وهزیرێن یونانێ ل ئهسینا یا پایتهختێ یونانێ كومبوو.
د كومبوونێ دا پێشڤهبرنا پهیوهندیێن ههرێما كوردستانێ و یونانێ و رهوشا عیراقێ و دهڤهرێ گهنگهشهكر.
سهروكێ حكومهتا ههرێما كوردستانێ ژبلى ئاماژه دان ب پهیوندیێن دوستانه و دیروكى دناڤبهرا ههرێما كوردستانێ و یونان دا، حهزا ههرێما كوردستانێ بو زێدهتر پێشڤهبرنا پهیوهندیێن دوولایهنانه دووپاتكر ، بتایبهتى دبیاڤێ وهبهرهێنان و بازرگانى دا. هیڤى ژى خواست كو د دهمهكێ نێزیك دا سهروك وهزیرێن یونانێ ل ههرێما كوردستانێ ببینیت.
سهروك وهزیرێن یونانێ ، خوشحالیا خو ب سهرهدانا شاندێ بلندێ حكومهتا ههرێما كوردستانێ نیشاندا و ب سهرهدانهكا دیروكى بناڤكر كو ئێكهمجاره سهروك وهزیرێن ههرێما كوردستانێ سهرهدانا یونانێ بكهت. سهروك وهزیرێن یونانێ ئامادهیا وهلاتێ خو ژى بو پێشڤهبرنا پهیوهندیێن ههمهلایهنانه دگهل ههرێما كوردستانێ دهربرى و ئاماژه ژى ب وێ چهندێ دا كو ل ڤان نێزیكان، ب ههڤالینیا شاندهكێ بلندێ حكومى و وهبهرهێنهرێن یونانێ دێ سهرهدانا عیراقێ و ههرێما كوردستانێ كهت.
