ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ پێشوازى ل شانده‌كێ فه‌ره‌نسى كر كو پێكهاتیى بوون ژ فرانسواز دوما سه‌روكا كومسیونا به‌ره‌ڤانیا نیشتمانى و له‌شكه‌رى ل په‌رله‌مانێ فه‌ره‌نسا ، و فلیپ مایه‌ر و گویندال رویلارد ئه‌ندامێن په‌رله‌مانێ فه‌رنسا ، و برونو ئوبێرت بالیوزێ فه‌ره‌نسا ل عێراقێ و ئولیڤیێ دیكوتینى قونسلێ گشتى یێ فه‌ره‌نسا ل هه‌ولێرێ
دكومبونه‌كێ دویماهیك گوهورین و پێشهاتێن عێراقێ و ده‌ڤه‌رێ و پێشڤه‌برنا زێده‌تر یا په‌یوه‌ندیێن دناڤبه‌را هه‌رێما كوردستانێ و فه‌ره‌نسا هاتنه گه‌نگه‌شه‌كرن
شاندێ فه‌ره‌نسى دووپاتى ل گرنگیا بهێزكرنا په‌یوه‌ندیێن دیروكى یێن دناڤبه‌را هه‌رێما كوردستانێ و فه‌ره‌نسا كر و په‌سنا پروسا چاكسازیێ ل حكومه‌تا هه‌رێما كوردستانێ كر و ئاماژه ب وێ چه‌ندێ دا كو حه‌زه‌كا ب هێز یا چاكسازیێ ل حكومه‌تا هه‌رێما كوردستانێ دبینین ، دڤێت ب هه‌مى ره‌نگا پشته‌ڤانیێ ل وێ پروسێ بكه‌ین
سه‌روكێ حكومه‌تێ سوپاسیا پشته‌ڤانیا به‌رده‌وام یا حكومه‌ت و خه‌لكێ فه‌ره‌نسا كر دقوناغێن بزه‌حمه‌ت و جودا دا كو پشته‌ڤانیا خه‌لكێ كوردستانێ كریه ب تایبه‌ت دهاریكاریكرنا هێزێن پێشمه‌رگه‌ى د روى ب روى بونا تیروریستێن داعش ، و ئاماده‌یا هه‌رێما كوردستانێ ژى بو پیشڤه‌برنا په‌یوه‌ندیان دگه‌ل فه‌رنسا دهه‌مى بیاڤان دا دیاركر
په‌یوندیێن دناڤبه‌را هه‌رێما كوردستانێ و حكومه‌تا فیدرالى و گرنگی وهه‌ماهه‌نگیا دناڤبه‌را هێزێن پێشمه‌رگه‌ى و له‌شكه‌رێ عێراقێ و بجهئینانا رێكه‌فتنا شنگال و ره‌وشا كه‌مپێن ئاواره و په‌نابه‌ران ل هه‌رێما كوردستانێ و گرنگیا دابینكرنا ڤاكسینا كورونایێ چه‌ند ته‌وه‌رێن دى یێن دانوستاندنێ بوون
