دژایهتى كرنا ههرێما كوردستانێ وب تایبهت سهروك بارزانى ژلایێ وهلاتێ ئیرانێ ڤه كارڤهدانێن مهزن لسهر ئاستێ نافخو وجیهانێ ژێ پهیدا بوون و وهزیرهكێ بهرێ یێ ئوردن ئهگهرێن دژایهتى كرنا سهروك بارزانى ژلایێ ئیرانێ ڤه ئاشكرا دكهت.
سالح قهلاب وهزیرێ بهرێ یێ گههاندنێ یێ وهلاتێ ئوردن راگههاندیه كو ل دهستپێكا ئالوزیێن سوریێ ئیرانێ داخواز ژ سهروك بارزانى كر كو خالێن سنورى بدهته وان داكو بێى كێشه بگههنه سوریێ بهلێ بارزانى ئهو داخواز ب توندى رهتكروگوت ئهڤه روى نادهت ژبهر هندێ پهیوهندیێن دناڤبهرا بارزانى وئیرانێ لاوازن بوون.
وى وهزیرێ ئوردنێ راگههاندیه جارهكا دى ژى ئیرانێ برێكا قاسم سولهیمانى داخواز ژ سهروك بارزانى كریه كو سهرا سوریێ بدهت وسولهیمانى سوز ب سهروك بارزانى دایه كو بشار ئهسهد بخو ب رێ ورهسمێن سهروك وهلاتان پێشوازیێ لێبكهت بهلێ ڤێ جارێ ژى سهروك بارزانى ئاخفتنا ئیرانێ رهتكریه وگوتیه سولهیمانى یا گرنگ نینه وهك سهروك وهلات پێشوازیێ لێ بكهن یا نه بلا ل دهستپێكێ بشار ئهسهد بچیت دگهل گهلێ كورد رێك بكهڤیت ل روژئاڤایێ كوردستانێ ومافێن وان بدهت دویڤدا ئهز دێ وى بینم.ههروهسا سالح قهلاب راگههاندیه ژى ئهگهرێن دى یێن دژایهتیا ئیرانێ بو سهروك بارزانى ئهوه كو عهلى لاریجانى سهروكێ پهرلهمانێ ئیرانێ سهرا ههولێرێ دا وداخواز ژ سهروك بارزانى كركوپێشوازیێ ل وهلید موعهلم بكهت ئهگهر هاتوو سهرهدانا بارزانى كر بارزانى ژى راگههاند ب چ رهنگهكى ناچمه پێشوازیا موعهلم بلا وهزیرێ دهرڤهیێ عیراقێ وى كارى بكهت ئهو كارێ من نینه ههر ژ بهر وان ههمى داخوازیێن ئێك لدویڤ ئێك یێن ئیرانێ ژ سهروك بارزانى بونه ئهگهر كو بارزانى لدهف ئیرانێ یێ خوشتڤى نهبیت وژلایێ نافخویى ڤه ژى هاریكاریا ڤێ ههوا دژایهتیكرنا سهروك دهێته كرن كهواته ئیران بتنێ ڤى كارى ناكهت.