دبه‌یانامه‌كێ دا وه‌زاره‌تا ساخله‌میا حكومه‌تا هه‌رێما كوردستانێ هژماره‌كا بریار و رێكارێن نوى بو رێگرى كرنێ د به‌لاڤبونا زنجیرا نویا ڤایروسا كورونایێ راگه‌هاندن
دبه‌یانامێ دا ته‌ئكید كر كو پێدڤیه پشكنینێن كورونایێ بو وان وه‌لاتیان بهێنه كرن كو ل وه‌لاتێن بریتانیا و ژێریا ئه‌فریقیا و ئوسترالیا و دانیمارك و هوله‌ندا و به‌لجیكا و كومارا ئیسلامى یا ئیرانێ و یابان و لوبنانێ ب رێكا ده‌رگه‌هێن سنورى یان ئه‌وێن ل فروكخانان دزڤرنه هه‌رێما كوردستانێ
هه‌روه‌سا پێدڤیه ئه‌وێن دزڤرن سوزنامه‌كێ ژێ وه‌رگرن و بهێنه گرنتى كرن بو ده‌مێ هه‌شت روژان و دوباره پشكنین بو بهێنه كرن و دده‌مێ ده‌ركه‌فتنا هه‌ر نیشانه‌كێ بو نه‌خوشخانێ بهێنه ڤه‌گوهاستن
ئاماژه ب وێ چه‌ندێ ژى كری یه دده‌مێ زێده‌بونا هه‌ر وه‌لاته‌كێ دى دا دێ لیستا وان وه‌لاتان كوپیه‌كا نوى یا كورونایێ به‌لاڤكه‌ین ، هه‌مان رێكار ب سه‌ر وان كه‌سان دێ هێنه بجهئینان كو ژ وى وه‌لاتى زڤرینه
