دكتور ئاسو حه‌وێزی ئاخفتنكه‌رێ وه‌زاره‌تا ساخله‌می یا حكومه‌تا هه‌رێما كوردستانێ راگه‌هاند پشتی توماركرنا ژماره‌كا حاله‌تێن نوى یێن ڤایروسێ كورونایێ كوڤید 20 ل عیراقێ داخازێ ژ وه‌لاتیێن هه‌رێما كوردستانێ دكه‌ین زێده‌تر پێگیریێ ب رێنمایێن ساخله‌می بكه‌ن
هه‌روه‌سا گوت پێگری ب كارئینانا ماسك و پاراستنا دویراتیا دناڤبه‌را خه‌لكی دا و ده‌ست شویشتنا به‌رده‌وام بكه‌ن ژبه‌ركو ئیكانه رێك ژبو به‌رهنگاربوونێ خو پاراستنه و ناڤبری گوت ژى كو ئه‌م وه‌لاتیان پشت راست دكه‌ین ل ده‌مێ دیاربوونا حاله‌ته‌كێ گومان لێ كری ل هه‌رێما كوردستانێ دێ ل ده‌زگه‌هێن راگه‌هاندنێ هێته به‌لاڤكرن و گوت مه شیانێن ده‌ستنیشانكرنا ڤى ڤایروسی یێن هه‌ین و ئاماژه ب وێ چه‌ندێ دا كو ئه‌ڤرو وه‌زیرێ ساخله‌میا عیراقێ حه‌سه‌ن ته‌میمی ئیكه‌م حاله‌تێ كورونایا یا نوى ل عیراقێ راگه‌هاند و گوت چه‌ند كه‌س توشبوینه و ئه‌ڤ جورێ نویی دناڤ زاروكان دا به‌لاڤبویه و بله‌ز به‌لاڤ دبیت و داخازێ ژ وه‌لاتیان دكه‌ین پتر هشیار بن و ئاگه‌هدارى ل سه‌ر ساخله‌میا خو هه‌بیت و پێگیریێ ب رێنمایان بكه‌ن
