ساخله‌میا عیراقێ دوو جورێن ڤاكسینان په‌سه‌ندكرن

وه‌زاره‌تا ساخله‌میا عیراقێ راگه‌هاند، ده‌سته‌یا نیشتیمانى یا  بكارئینانا ده‌رمانان  ، ڤاكسینێن ئه‌سترازینكا یا بریتانى و سینوفارمى یا چینى په‌سه‌ندكر.

وه‌زاره‌تا ساخله‌میا عیراقێ د راگه‌هاندنه‌كێ دا بكارئینانا دوو ڤاكسینان په‌سه‌ندكرن و دهه‌مان لدور جورێ كورونایێ یێ گوهورى راگه‌هاند ڤه‌كولینێ بو ڤایروسێ گوهورى دكه‌ن، به‌لێ هه‌تا نوكه چ توشبویه‌كێ كورونایا گوهورى ل عیراقێ نه‌هاتیه‌ ده‌ستنیشانكرن.

پشتى چه‌ند حه‌فتیان ژ كێمبوونا هژمارا توشبوویێن كورونایێ ل عیراقێ، وه‌زاره‌تا ساخله‌میا عیراقێ هوشدارى سه‌باره‌ت سه‌رهلدانا پێلا دووێ یا كورونایێ دده‌ت و دبێژیت دێ ژ پێلا ئێكێ بهێزتربیت. هه‌روه‌سا دبێژیت ره‌نگه‌ كورونایا گوهورى ژ وه‌لاتێن جیران بهێته‌ دناڤ عیراقێ ژى دا.