زانكویا دهوك چاپكرنا 9 پەرتوكان راگەهاند

سەنتەرێ بشکچی یێ پاراستنا بەلگەنامە و ڤەکۆلینان سەر ب زانکۆیا دھۆکێ ڤە یا ئەڤرۆ ل ھۆلا کونفرانسان ل سەرۆکاتیا زانکۆیا دھۆکێ، نه‌هـ پەرتووکێن نوو ژ بەرھەمێن خو بەرچاڤکرن.
د. نەشوان شوکری، رێڤەبەرێ سەنتەرێ بشکچی بەحسى دیرۆكا سەنتەری کر ھەر ژ سالا دامەزراندنا و ھەتا نوکە و خزمەتێن پێشکێش كرین و گۆت: چەند سالێن کێم شیاینە 64 پەرتووکێن رەوشەنبیر و نڤیسەرێن دھۆکێ چاب بکەن، زێدەباری وەرگیرانا 10 پەرتووکێن نڤیسکارێ تورکێ ناڤدار و دۆستێ مللەتێ کورد ئسماعیل بشکچی ژ تورکی بۆ ھەر دو زمانێن کوردی، عەرەبی، زێدەباری پاراستنا چەندین بەلگەنامێن گرنگ، ھەڤدەم پێنچ نڤیسکارێن پەرتووکان بەحسێ ناڤەرۆکا  پەرتووکێن خوە کرین ھاتینە چاپکرن.
ل دویماھیێ پەرتووکێن ھاتینە چاپکرن وەک دیاری ل سەر بەرھەڤبوونا ھاتنە بەلاڤەکرن.