ژ ئەگەرێ شۆرتەکێ کارەبێ، 12 خیڤەت ل کەمپا چەم مشکۆ ل سنورێ قەزا زاخۆ هاتنه سۆتن و دوبارە خیڤەت ب سەر قوربانییان دا ھاتنه بەلاڤکرن.
کاروان زەکی ئەتروشی، بەرپرسێ راگەھاندنا رێڤەبەرییا کۆچ و کۆچبەران و بەرسڤدانا قەیرانان ل دھۆکێ بۆ خانی نیوز راگەھاند؛ ژ ئەگەرێ شۆرتەکێ کارەبێ ل درەنگی شەڤا بۆری 12 خیڤەت د ناڤا کەمپا چەم مشکۆ دا ل سنورێ قەزا زاخۆ هاتنه سۆتن، ھەروەسا ژبەر ترسا ئاگربەربوونێ دوو خیڤەت ژلایێ خودانێن وان ڤە ھاتنه دڕاندن .
دیار ژی کر، چ زیانێن گیانی نەبوون بتنێ زیانێن ماددی بوون و ھەر بله‌ز ئاگر ژلایێ بەرەڤانییا باژێری ڤه ھاتە کونترۆلکرن.
کاروان زەکی دیار ژی کر، تیمەکا رێڤەبەرییا کۆچ و کۆچبەران ئەڤرۆ سپێدێ سەرەدانا وان کرن و خیڤەت ب سەر خێزانێن خیڤەتێن وان سۆتین بەلاڤکرن و بزاڤان دکەن کەل و پەلان ژی بگەھینن وان
