رێڤه‌به‌رێ گشتیێ باجێ: باجا ل سه‌ر ترومبێلا، بتنێ بو ترومبێلێن گرانبه‌هایه

دكتور كه‌مال وه‌رتى رێڤه‌به‌رێ گشتیێ باج وخانوبه‌رێن میرى بو مالپه‌رێ فه‌رمیێ پارتی دیموكراتى كوردستان راگه‌هاند كو ئه‌و بریارێن دوهى ب ئیمزایا مه‌سرور بارزانى سه‌روكێ حكومه‌تا هه‌رێما كوردستانێ ده‌رچوین زێده‌كرنا باجان تێدا نینه‌ بتنێ رێكخستنا وه‌رگرتنا باجانه‌ ئه‌وژى ب وه‌رگرتنا باجا راسته‌قینه‌یه‌ ژ كومپانیان . سه‌باره‌ت باجێن سه‌ر ترومبێلان ژى سوزدا وه‌لاتیان كو دێ رێنمایى بو ڤى بابه‌تى ده‌ركه‌ڤن وبتنێ دێ ترومبێلێن گرانبها ڤه‌گریت نه‌ ترومبێلێن ئاسایی كو زوربه‌یا خه‌لكى ل كوردستانێ هه‌نه‌ . وه‌رتى هه‌ر وه‌سا گوت سه‌رجه‌م بریار دده‌مێ شێست روژان پشتى ده‌رچونا فه‌رمانێ دێ چنه‌ دبیاڤێ بجهئینانێ دا وچاڤه‌رێ ژى دكه‌ین داهاتێ باجێ ب ڤان رێكاران زێده‌بیت . ژبه‌ركو رێكخستنه‌كا باش دێ بو دهێته‌ كرن . رٍێڤه‌به‌رێ گشتیێ باجان ئاماژه‌ ب وێ چه‌ندێ ژى دا كو سالا بورى ژئه‌گه‌رێ نه‌دانا باجێ زێده‌تر ژ هزار كومپانى روى ب روى  دادگه‌هـ كرینه‌  وچه‌ندین كومپانى ژى هاتینه‌ سزادان