ئەڤرۆ ب بەرهەڤبوونا عەلی تەتەر پارێزگارێ دهۆکێ و سەرۆکێ جڤاتا پارێزگەها دهۆک و جێگرێ پارێزگاری و قائیمقامێن پارێزگەها دهۆکێ رێڤەبەرێن هەر سێ ناحیێن دەرکارێ، بامەرنێ، رۆڤیا دەستبکاربوون.
د مەراسیمێن دەستبکاربوونێ دا دپەیڤەکێ دا پارێزگارێ دهۆکێ ئاماژە ب گرنگیا گۆهورینان و بەردەوامیا پرۆسا گوهورینان كر و گوت هیڤیدارین رێڤەبەرێن نوی ل دویڤ یاسا و رێنمایێن حكومه‌تا هەرێما کوردستانێ باشترین خزمەتان پێشکێشی وه‌لاتیێن دەڤەرێن خو بکەن و هیڤیدارین د ئەرکێ خۆ یێ نۆی دا دسەرکەفتی بن و هەروەسا گوت: ئەڤرۆ بو جارا ئێکێ ل پارێزگەها دهۆکێ ئافرەتەک دبیتە رێڤەبەرا ناحییێ و هیڤیدارین د ئەرکێ خودا یا سەرکەفتی بیت و ببیتە میناكه‌كا جوان و رێکخوشکەر کو پتر ئافرەت رۆلێ خۆ دسیستەمێ کارگێریی دا بگێریت.
دڤان مەراسیما دا هەر ئێک ژ میران عەبدولرەحمان ته‌ها رێڤەبەرا ناحییا بامەرنێ، و ئەدیب جەعفەر مستەفا رێڤەبەرێ ناحییا دەرکارێ، و عنتەر فەرهاد محەمەد رێڤەبەرێ ناحییا رۆڤیا هاتنە دانان.
