ئهڤرو ل ههمى باژێر وباژێركێن كوردستانێ ئامادهكارى بو پێشوازیێ ل وهرزێ نوى وجهژنا نهوروزێ دهێته كرن بڤێ ههلكهفتێ دهڤهرێن گهشتیارى دێ هێنه خهملاندن و وهلاتیان دێ چنه سهیرانگههان ودهڤهرێن گهشتیارى . رێڤهبهریا گهشت وگوزارى ل دهوكێ ئامادهكارێن تهمام بو هاتنا گهشتیاران بو دهڤهرێن گهشتیارى یێن سنورێ پارێزگههێ كرینه . بو ڤێ مهرهمێ ژى پازده تیم بو پێشوازیێ ل گهشتیاران ل پازده خالان هاتینه دانان كو خهلك دهێنه دناف دهوكێ دا ب تایبهت ژى ههشتێ ژ سهدێ ژوان گهشتیارێن قهستا دهڤهرێن گهشتیارى یێن دهوكێ دكهن گهشتیارێن دهڤهرێن ناڤهراست وژێریا عیراقێ نه . لدویف وان گرێبهستێن كو پێشوهخت كومپانیێن دبیاڤێ گهشتیارى دگهل ئوتێل ودهڤهرێن گهشتیارى یێن سنورێ پارێزگهها دهوكێ كرینه بریاره ددهمێ روژێن جهژنا نهوروزێ دا زێدهتر ژ پازده هزار گهشتیار ژ ناڤهراست وژێریا عیراقێ بهێنه سنورێ پارێزگهها دهوكێ
