رێڤه‌به‌ریا گشتى یا خانه‌نشینى ل هه‌رێمێ: پروسێسا چاكسازیێ دپله‌یێن تایبه‌ت دا یا به‌رده‌وامه‌

رێڤه‌به‌رێ ئامارێ ل رێڤه‌به‌ریا گشتى یا خانه‌نشینێن هه‌رێما كوردستانێ راگه‌هاند پروسا چاكسازیێ یا به‌رده‌وامه‌ و نوكه‌ فورمه‌ك بو هه‌مى خانه‌نشینێن پله‌ تایبه‌ت هاتیه‌ ئاماده‌كرن و پێدڤى یه‌ ئه‌و فورمه‌ بهێته‌ پركرن دا كو خانه‌شینێ قانونى ژ یێ نه‌قانونى جودا بكه‌ین و هه‌ر كه‌سێ وێ فورمێ پرنه‌كه‌ت دێ موچێ وى هێته‌ راگرتن، سه‌باح موخلس ل رێڤه‌به‌ریا خانه‌نشینان ل هه‌رێمێ گوت ئه‌و فورمه‌ دێ لسه‌ر هه‌مى خانه‌نشینێن پله‌ تایبه‌ت هێته‌ به‌لاڤكرن و لدویڤدا پروسا ڤاڤارتنێ دێ ده‌ستپێكه‌ت، زێده‌تر گوت نوكه‌ ئه‌و لسه‌ر خانه‌نشینێن ب پلا رێڤه‌به‌رێن گشتى كار دكه‌ن كو نێزیكى 750 كه‌سانه‌ و ئه‌گه‌ر ئه‌و بدویماهیك هاتن دێ لسه‌ر وه‌زیر و بریكارێن وه‌زیران كاركه‌ن و دیاركر كو خانه‌شینێن نه‌ قانونى دناڤدا هه‌نه‌ به‌لێ حه‌تا ئه‌و پروسه‌ بدوماهیك نه‌هێت نوكه‌ نه‌شێن ژمارا وان دیاربكه‌ن