لهشكهرێ روسیا ل بنگههێ ئهسمانى یێ حمێمیه ل سنورێ كارگێریا پارێزگهها لازقیه ل روژئاڤایێ سوریێ برێكا فروكێن بارههلگر، ب سهدان لهشكر و تانك رهوانهیی باژێركێ قامشلو یێ سهر ب پارێزگهها حهسهكه ل روژئاڤایێ كوردستانێ كرن.
روسیا یا بهردهاومه لسهر بهێزكرنا خو ل پارێزگهها حهسهكه و دهڤهرێن دهوروبهرێن لژێر كونترولا یهپهگێ دا و هژمارا سهربازێن خو گههاندیه هزار سهربازان.
لدویڤ پێزانینێن هاتینه بهلاڤكرن، روسیا د ههیڤا بورى دا ل پارێزگهها حهسهكێ دهست كریه ب دروستكرنا بنگههـ و خالێن لهشكرى یێن زێدهتر.
روسیا 1200 كهس ل فروكخانا قامشلو كومكرینه كو ل دهڤهرێن دى یێن جودا ل سوریێ ل رێزێن رژێمێ و بتایبهتى د وان گروپان ههلبژارتینه كو پشتهڤانیا وان دكهت.
