نێرینگه‌ها سوریا بو مافێن مروڤى ئامارا كوشتى و بریندار و ده‌رده‌سه‌ریێن 10 سالێن شوره‌شا سوریا راگه‌هاند و تێدا دیاربوویه، د 10 سالێن بورى دا هه‌تا ئه‌ڤرو ل سوریا سێ سه‌د و هه‌شتێ و هه‌شت هزار و شه‌ش سه‌د و پێنجى و دوو كه‌س هاتینه كوشتن. راگه‌هاند ژى كو سه‌د و هه‌ڤده هزار و سێ سه‌د و هه‌شتێ وهه‌شت كه‌س ژ كوشتیان سڤیل بوون و ژ وێ هژمارێ ژى بیست و دوو هزار زاروك بوون و پتریا وان ژ ئه‌نجامێ هێرشێن رژێما سوریا و میلیشیاتێن سه‌ر ب وان ڤه هاتینه كوشتن. رامى عه‌بدولره‌حمان رێڤه‌به‌رێ نێرینگه‌ها سوریا بو مافێن مروڤى دیاركرییه كو ل ده‌ستپێكا شه‌ر و ئالووزییان ل سوریا هه‌تا نوكه دسالا ده‌هێ دا كێمترین ژمارا كوشتییان هاتییه توماركرن.
