د.ڤیان سه‌برى: ل نێزیك شانده‌كێ دى یێ حكومه‌تا هه‌رێمێ دێ چیته‌ به‌غدا

دكتوره‌ ڤیان سه‌برى سه‌روكا فراكسیونا پارتى دیموكراتى كوردستان ل په‌رله‌مانێ عیراقێ بو مالپه‌رێ فه‌رمیێ پارتى دیموكراتى كوردستان راگه‌هاند بو بجهئینانا برگێن رێكه‌فتنا هه‌ولێر و به‌غدا بریاره‌ شانده‌كێ دى یێ حكومه‌تا هه‌رێمێ سه‌ره‌دانا به‌غدا بكه‌ت و دیاركر كو دانوستاندنێن دناڤبه‌را هه‌رێم وبه‌غدا سه‌باره‌ت بجهئینانا قانونا بودجێ وهنارتنا پشكا هه‌رێما كوردستانێ قوناغه‌كا باش ده‌ربازكریه‌ وحكومه‌تا هه‌رێما كوردستانێ چه‌ندین به‌لگه‌ پێشكێشى حكومه‌تا فیدرال كرینه‌ وپێنگاڤێن باش هاڤیتینه‌ دڤى بیاڤى دا . سه‌روكا فراكسیونا پارتى گوت ژى هه‌ردولا پێگیریا خو ب بجهئینانا قانونا بودجێ ده‌ربریه‌ بتایبه‌ت ئه‌و ماددێن گرێداى ب هنارتنا پشكا هه‌رێما كوردستانێ ڤه‌ . دكتوره‌ ڤیان سه‌برى دیاركر ژى كو داهاتێ هه‌رێمێ وهنارتنا پشكا هه‌رێما كوردستانێ ژلایێ به‌غداڤه‌ دێ وه‌كی خو بجهـ هێت وهیچ رێككه‌فتنه‌كا دى ناهێته‌ كرن . ئه‌وا هه‌ى رێككه‌فتنا به‌رێ یه‌ ودێ هێته‌ بجهئینان