سه‌روكا فراكسیونا پارتى دیموكراتى كوردستان ل په‌رله‌مانێ عیراقێ راگه‌هاند كو دانوستاندن لسه‌ر پروژه قانونا بودجێ دبه‌رده‌وامن وهه‌تا نوكه چ ئاسته‌نگه‌ك دروست نه‌بویه . دكتوره ڤیان سه‌برى بو مالپه‌رێ فه‌رمیێ پارتی دیموكراتى كوردستان گوت دانوستاندن لسه‌رپروژه قانونا بودجا گشتى یا عیراقێ دبه‌رده‌وامن ونوكه پروژه قانون ل لیژنا دارایی یه وئه‌و گه‌نگه‌شه‌دكه‌ن . هه‌ر وه‌سا گوت ژى حه‌تا نوكه دانوستاندنێن پروژه‌قانونا بودجا گشتى یا عیراقێ ل په‌رله‌مانێ عیراقێ بباشى برێڤه‌دچن ول پشكا هه‌رێما كوردستانێ ژى چ ئاسته‌نگه‌ك چێنه‌بویه . ژلایێ خوڤه‌ژى ئه‌نداما لیژنا ئابورى و وه‌به‌رهینانێ ل په‌رله‌مانێ عیراقێ دكتوره مه‌یاده نه‌جار بو مالپه‌رێ فه‌رمیێ پارتى دیموكراتى كوردستان گوت دانوستاندن دبه‌رده‌وامن وچ ئاسته‌نگه‌ك بو پشكا هه‌رێما كوردستانێ چێنه‌بویه كو دوازده ترلیون دیناره وبریاره حه‌تا ده‌ستپێكا هه‌یڤا بهێت دوماهیك ب دانوستاندنا بهێت وپروژه قانون بهێته په‌سه‌ندكرن
