كۆمبوون و دانوستاندنێن شاندێ بلندێ ههردوو حكومهتێن ههرێم و بهغدایێ ل دۆر بجهئینانا رێكهڤتنا دناڤبهرا ههولێر و بهغدا و هنارتنا پشكا ههرێما كوردستانێ د پرۆژه قانوونا بودجا گشتیا ئیراقێ بهردهوامه، سهرۆكا فراكسیۆنا پارتى ژى ل پهرلهمانێ ئیراقێ دبێژیت: دانوستاندنێن نوكه یێن ههردوو لایان ل دۆر مادهیێن 10 و 11 یێن ناڤا وێ پرۆژه قانوونێ یه كو تایبهته ب هنارتنا پشكا ههرێما كوردستانێ، بۆ ڤێ چهندێ ژى ههرێما كوردستانێ پێگیریا خۆ بۆ بجهئینانا وان ههردوو مادهیان دهربریه، ههمى ئاماژه بۆ هندێ دچن كو ئهو رێككهڤتن وهكو خۆ بهێته بجهئینان.
ڤیان سهبرى گۆت ژى، حكومهتا ههرێما كوردستانێ بو بجهئینانا وێ رێككهڤتنێ یا بهرههڤه و د دهمێن بۆرى ژى دا پێگیریێن خۆ یێن دارایی بهرامبهرى بهغدا ل دویڤ پرۆژه قانوونا بۆدجهى بجهئینایه، لهورا ئهوا مایی ژى دانوستاندنێن لیژنهیێن بسپۆرینه.
ناڤبرى دیاركر ژى، ئهوا د ناڤهرۆكا دانوستاندنێن وان دا هاتییه گۆتن، جهێ دلخۆشیێ یه و دهێته چاڤهرێكرن ئهو رێككهڤتن د دهمهكێ نزیك دا بكهڤیته بیاڤێ بجهئینانێ و پشكا ههرێما كوردستانێ بهێته رهوانهكرن.
