د تۆرێن جڤاكیدا پروپاكندا فروتنا گوشتێ گوهدرێژى ل ئێك ژ خوارنگه‌هێن دهوكێ به‌لاڤبوویه، پارێزگه‌رێ دهوكێ سه‌ره‌دانا وێ خوارنگه‌هێ كر و ئاماژه ب وێ چه‌ندێ دا كو ئه‌ڤ چه‌نده بتنێ بۆ ناڤزراندنێ بوو و چ ڕاستی بۆ نینه.
عه‌لى ته‌ته‌ر پارێزگه‌رێ دهوكێ سه‌ره‌دانا وێ خوارنگه‌هێ كر و د پرێس كونفرانسه‌كیدا ڕاگه‌هاند، پشتى به‌لاڤبوونا ئه‌وى ده‌نگوباسى، لیژنه‌یه‌كا ساخله‌میا دهوكێ سه‌را وى جهى دا و ده‌ركه‌فت وێ گوتگوتكێ چ ڕاستى بۆ نه‌بوو.
سه‌باره‌ت وان كه‌سێن ئه‌و ده‌نگوباس به‌لاڤكرى، پارێزگه‌رێ دهوكێ گوت: پشكه‌ك ژ وان كه‌سان ب نیازه‌كا خراب بكارئینایه و پشكه‌كا دى ژ نه‌زانینا وان بوو، ئاماژه ب وێ چه‌ندێ كر كو ئه‌گه‌ر ب دروستى زانیبا كو كاره‌كێ ب ڤى ره‌نگى ل خوارنگه‌هه‌كێ هاتیه كرن پێدڤیه لده‌ف لایه‌نێن فه‌رمى سكالا تۆمار كربا.
