پارێزگه‌رێ دهوكێ ب هه‌لكه‌فتا رۆژا جیهانییا زمانێ دایكێ په‌یامه‌ك به‌لاڤكر و تێدا هاتییه:
رۆژا ۲۱ شواتێ، رۆژا جیهانیا زمانێ دایکێ یە. کێم نەتەوا هندی نەتەوێ کورد لسەر بکارئینانا زمانێ دایکێ کارەسات و زورداری دیتینە. ب هزاران کورد ل سەدێ بیستێ لسەر کوردبوون و بکارئینانا زمانێ کوردی هاتینە جینۆسایدکرن و دەهان هزار کیلۆمەترێن چوارگوشە ژ ئاخا کوردستانێ ژ زمانێ کوردی هاتیە ڤالاکرن و پرۆسا تورککرن، عەرەبکرن، عەجەمکرن و فارسکرن تێدا هاتیە ئەنجامدان و نوكه ژی بەردەوامە.
دگەل پیروزباهییێن گەرم ب هەلکەفتا ڤێ رۆژێ، داخواز ژ هەمى وان کەسا دکەم یێن کو ب زمانێ کوردی دنڤیسن، بزاڤێ بکەن زمانێ دایکێ کو بەرچاڤترین مەرجێ نەتەوەییە بپارێزن، ب ساخی بهێلن، پێ باخڤن و نیشا زارویێن خۆ بدەن، ب ڕێزمان و ڕێنڤیسەکا دروست و پاک بنڤیسن و بەرەڤ ئێکگرتن یان نێزیککرنا دیلێکتێن زمانێ کوردی ببەن، تایبەت د سوشیال میدیایێدا کو ب مخابنیڤە چاما بسەرێ زمانێ کوردی د ئینن.
