پشتى كومبونا ئهڤرو یا لیژنا بلندا روى ب روی بونا كورونایێ ، ئاخفتنكهرێ حكومهتێ دكونفرانسهكێ روژنامهڤانى دا بریارێن نوى راگههاندن
دكتور جوتیار عادل ئاخفتنكهرێ حكومهتا ههرێمێ راگههاند ، پشتى ههلسهنگاندنا رهوشا كورونایێ و خواندنێ ، بریار هاته دان خواندن ل قوتابخانان و زانكویێ و پهیمانگههان وهكو خو بهردهوام بیت بجهـئینانا رێنمایێن وهزارهتا ساخلهمیێ و دژواركرنا رێكارێن خوپارێزیێ بو پاراستنا قوتابى و ماموستایان
سهبارهت ههیڤا ئادارێ كو ژبلى جهژنا نهوروزێ، بیرهوهریێن سهرهلدانێ و چهند بیرهوهریێن دى ههنه، ئاخفتنكهرێ حكومهتێ راگههاند بیرهوهریێن ههیڤا ئادارێ دێ بلند راگرین بهلێ بێ خرڤهبونێن جهماوهرى و داخواز ژ ههمى لایهنان كر كو پێگیریێ ب رێنمایان بكهن
لیژنا بلند بهرههنگاربونا كورونایێ ژورێن ئوپراسیونێن پارێزگههێن ههرێمێ راسپاردن بو هندێ چاڤدێریا رێكاران بكهن، ههروهسا دهستههلات دانه ژورێن پارێزگههان بو هندێ چاڤدێرێ بكهن كو زالگههێن دناڤبهرا پارێزگههێن ههرێما كوردستانێ و پارێزگههێن دى یێن عیراقێ رێكبێخن و بتنێ رێك ب شاندێن حكومى و دیبلوماسى بهێته دان هاتن و چوونێ دناڤبهرا عیراقێ و پارێزگههێن ههرێما كوردستانێ بكهن ، چونكه رهوش هوسا دخوازیت رێكارێن دژوار بهێنه ئهنجامدان
سهبارهت بهلاڤكرنا موچێن فهرمانبهرێن ههرێمێ جوتیار عادل ئاخفتنكهرێ حكومهتێ راگههاند ل 25 ڤێ ههیڤێ ب بجهـئینانا رێكارێن ساخلهمیێ مووچه دێ هێنه بهلاڤكرن