ئه‌مه‌ل جه‌لال سه‌روكا ده‌سته‌یا گه‌شتوگوزارى ل هه‌رێما كوردستانێ راگه‌هاند: لدویڤ دوماهیك ئامارێن لبه‌ر ده‌ستێ مه ل كانوونا دووێ و هه‌تا نیسانێ، نێزیكی 700 هزار گه‌شیتر هاتینه هه‌رێما كوردستانێ، مه دڤێت وێ ژمارێ زێده بكه‌ین ئه‌و ژى ب سه‌ناهیكرن و هاریكاریكرنا گه‌شتیاران، خوشبه‌ختانه نوكه روژانه وه‌به‌رهێنان ل كه‌رتێ گه‌شتیارى دا زێده دبیت و بزاڤێ دكه‌ین بو سالا بهێت كومه‌كا پروژێن جودا بو گه‌شتیارى هه‌بیت، هه‌تا كو ژمارا گه‌شتیاران بو ده‌ڤه‌رێن گه‌شتیارى یێن هه‌رێما كوردستانێ زێده بكه‌ین.
سه‌باره‌ت جهێن هاتنا گه‌شتیاران بو هه‌رێما كوردستانێ ئه‌مه‌ل جه‌لال ئاماژه ب وێ چه‌ندێ كر، پرانیا گه‌شتاران كو دهێنه هه‌رێما كوردستانێ ، گه‌شتیارێن باژێرێن عیراقێ نه، ل وه‌لاتێن دى ژى بتایبه‌ت ئیران و توركیا ، گه‌شتیار دهێنه هه‌رێما كوردستانێ، ل وه‌لاتێن عه‌ره‌بى ژى حه‌ز هه‌یه بو هاتنا گه‌شتیاران ، ل ئه‌وروپا ژى بو چالاكیێن گشتى گروپ دهێن ، به‌لێ ژمارا وان یا كێمه دێ بزاڤێ كه‌ین وان ژى زێده كه‌ین.
