سهروكێ دهستهیا وهبهرهێنانێ رادگههینیت بو وان كهسێن پروژێن ئاكنجیبونێ ب قستێن دولارى كرین، چهند پێشنیاز هاتینه ئامادهكرن و بریار دێ لسهر هێته دان.
دكتور محهمهد شوكرى سهروكێ دهستهیا وهبهرهێنانێ ل حكومهتا ههرێما كوردستانێ راگههاند ، چهند پێشنیاز مه ئامادهكرینه ههتا بشێین كێشێن وان كهسان چارهسهركهین كو قست و قهرزێن یهكهیێن ئاكنجیبونێ ب دولار كرین و نوكه بهایێ دینارى بهرامبهر دولارى هاتیه خوارێ و دولار بلندبوویه.
رونكر ژى ب گشتى دوو پێشنیاز بو وان بابهتا بهرچاڤكرینه ، ئێك ژوان ئهوه كو بهایێ دولارى ل سهر یهكهیێن ئاكنجیبونێ كێم بكهن لسهر وى بهایێ نوكه ههیى ، پێشنیازا دى ژى ئهوه كو قستێن وان بكهینه دینار و دهمێ پێدانا قستان درێژ بكهین بو هندێ بارێ سهر ملێن وهلاتیان سڤك بیت.
ناڤبرى دوپاتكر پترییا قست و پارێن پروژهیێن ئاكنجیبونێ كو د وهبهرهێنانێ دا هاتینه مولهتكرن ب دولارینه.
محهمهد شوكرى رونكر ژى ، دناڤ وهبهرهێنهران دا بوچونێن جودا بو چارهسهركرنا كێشهیان ههیه ، بهلێ دێ بزاڤێ كهین چارهسهریهك ههبیت كو بو ههمى لایهكى یا گونجاى بیت.
سهبارهت وێ چهندێ كا كهنگى ئهو بریار دێ دهركهڤیت ، سهروكێ دهسهیا وهبهرهێنانێ گوت ، دێ چاڤهرێ بین دڤان چهند روژان دا د بودجهیا عێراقێ دا بهایێ دولارى جێگیربیت وى دهمى دێ بریارێ ل سهر چاوانییا پێدانا قستێ دهمدرێژ یا یهكهیێن ئاكنجیبونێ ل كوردستانێ دهین.
