سهروكێ دهستهیا دهستپاكیێ ل ههرێما كوردستانێ راگههاند ، موچێن پله بلند هاتینه راستڤهكرن وبو 50 ژ سهدێ هاتینهكێم كرن ژبهر ڤێ چهندێ پێدڤیه خو دگهل ڤێ رێژێ بگونجینن چونكه ئهو بریار دچارچوڤێ قانونا چاكسازى دایه
حاكم ئهحمهد ئهنوهر سهروكێ دهستهیا دهسپاكیێ ل ههرێما كوردستانێ بو مالپهرێ فهرمى یێ پارتى دیموكراتى كوردستان راگههاند ، فورم ب سهر موچهخورێن پلێن بلند هاتینه بهلاڤكرن بو راستڤهكرنا موچێن وان و پێدڤیه ئهوژى خو دگهل قانونا چاكسازیێ ب گونجینن و موچێن وان دێ هێنه راستڤهكرن لدهمێ خانهنشین د بن ، چونكه بهرى نوكه 80 ژ سهدێ موچه ب وان دهاته دان بهلێ نوكه بو 50 ژ سهدێ هاتیه كێم كرن كو دچارچوڤێ قانونا چاكسازیێ دا هاتیه بنهجهكرن و ب ڤى رهنگى دێ یابهردهوام بیت
گوت ژى ، ئهوێن پله بلند ژى ههمى 50 ژ سهدێ موچێ وان ناهێته دان چونكه دێ لدویڤ خزمهت و باوهرنامه و ژیێ وى بیت و ئهوێ خزمهتا وى ژ ههمیا پتر بیت وى دهمى موچێ وى دێ 50 ژ سهدێ بو هێته دان ئهگهر نه موچێ وى دێ 50 ژ سهدێ كێمتر بیت ، چونكه چهند مهرج هاتینه دیاركرن و پێدڤیه ئهو مهرج تێدا بن ئهگهر نه نهشێت 50 ژ سهدێ وهرگریت
حكومهتا ههرێما كوردستانێ بو چاكسازیكرنێ ل موچهى دقانونا چاكسازیێ دا بریار دایه كو موچێ وان كهسێن پله بلند و خانهنشین كرى پێدڤیه موچێ وان بهێته راستڤهكرن و زورترین موچه ژ 50 سهدێ زێدهتر نهبیت چونكه بهرى نوكه ئهوێ خانهشین بووین ب 80 ژ سهدێ دهاتنه خانهنشین كرن
