ئه‌ڤه ده‌مه‌كه ل هژماره‌كا میدیا و تورێن جڤاكی هه‌وه‌كا گومانلێكری یا نه‌دروست دژى كادر و چالاكڤانێن پارتی دیموكراتى كوردستان ده‌ستپێكریه و تێدا داخویانی و نڤیسینێن كادرێن پارتى ب ره‌نگه‌كێ نه‌دروست ده‌نه دیاركرن و به‌لاڤ دكه‌ن و ئه‌م دزانین كو ئه‌ڤ ره‌نگه كارێن نه‌ره‌وا ژلایێ هنده‌ك كه‌س و لایه‌نان ڤه پشكه‌كن ژ ئیرهابا هزرى و شه‌رێ ده‌رونی كو به‌رامبه‌ر خه‌لكێ نیشتیمان په‌روه‌ر و خودان پره‌نسیپ یێن كوردستانێ دهێته كرن بو سه‌رداربرن و رێ لادانا راستییان
لڤێرێ زێده‌بارى كو ڤان ره‌نگه ره‌فتاران شه‌رمزار دكه‌ین دیار دكه‌ین كو ئه‌ڤ ره‌نگه ره‌فتاره دژى كلتورێ خه‌لكێ كوردستانێ یه و خه‌لكی خوشتڤى یێ كوردستانێ پشت راست دكه‌ین دگه‌ل هه‌بونا ڤان ره‌نگه كریارێن نه دروست ژلایێ هنده‌ك كه‌س و لایه‌نان ڤه كادر و لایه‌نگرێن پارتی و تێكوشه‌ر و نیشتیمانپه‌روه‌رێن كوردستانێ دێ پتر كار كه‌ن بو به‌ره‌ڤانیكرنێ ل بوها و ئارمانجێن بلند یین گه‌لێ كوردستانێ و پارتی دیموكرتی كوردستان وچ ره‌نگه ئیرهابا هزری و دوژمنكارى كارتێكرنێ لێ ناكه‌ن
ده‌زگه‌هێ ره‌وشه‌نبیرى و راگه‌هاندنا پارتى دیموكراتى كوردستان
ئێكى هه‌یڤا دوو دوهزار و بیست و ئێك
