د ههوهكا دارچاندنێ دا پتر ژ(70) هزار دار بهرى ونهمام دهێنه چاندن
ئهڤرۆ پشتى نیڤرۆ 4/1/2021 ل گهلیێ دهۆكێ ل ژێر دوریشمێ (دار بهرى سومبولا هێز وبهرخودانێ یه) ول ژێر چاڤدێریا بهرێز د.على تهتهر پارێزگارێ دهۆكێ وب ئامادهبونا بهرێزان ماجد سهید صالح جێگرێ پارێزگارێ دهۆكێ ب وهكالهت وجههوهر على دهڤهردارێ دهۆكێ وچهند رێڤهبهرێن فهرمانگههێن پهیوهندیدار وفهرمانبهرێن فهرمانگهها ههوا چاندنا داربهریێ ونهمامان هاته ئهنجامدان.
دڤێ ههوێدا پارێزگارێ دهۆكێ تهكهزكر كو دڤێت ههر تاكه كهسهكێ ڤى وهڵاتى ههست ب بهرپرسیاریێ بكهت ودارستان وژینگهها كوردستانێ ب پارێزیت ههروهسا گوت: زۆر یاگرنگه پشتى دار دهێنه چاندن سهخبێركرن وپاراستنا وان ژى باش بهێته كرن وببیته كلتورهك دناڤ جڤاكێ مهدا وئهم ههموو ئاخ وسروشتێ جوانێ دهڤهرێ باش ب پارێزین ودهست خوشى ل رێڤهبهریا دارستان وپاوانان وفهرمانگهها ژینگههێ كر كو ئهڤ ههوه ئهنجامدایه.
دهێته چاڤهرێكرن پتر ژ(70) هزار لوبێن دار بهریێ ونهمامان ژلایێ تیمێن رێڤهبهریا دارستان وپاوانان وب ههماههنگى دگهل ژینگهها دهۆكێ بهێنه چاندن.