ب ئامادەبۆنا ” ماجد سەید سالح ” جێگرێ پارێزگارێ دهۆکێ بو کاروبارێن تەکنیکی ب وەکالەت و ئەندازیار دیار بەحری رێڤەرێ گشتی یێ باژێرڤانیان و لژێر دروشمێ ” ساخکرنا سیستەمێ ژینگەهێ” کومبونەك هاتە رێکخستن، د پەیڤەکێدا جێگرێ پارێزگارێ دهوێ گوت: ب خوشحالیڤە حکومەتا هەرێما کوردستانێ گرنگیەکا زور دایە کەرتێ ژینگەهێ، جودا ژ ٥ی حوزەیرانێ روژا جیهانی یا ژینگەهێ، حکومەتا هەرێمێ هەرسال رێككهفتى 16 ههیڤا چار وەکو روژا تایبەت یا پاراستنا ژینگەها هەرێما کوردستانێ دایە نیاسین هەرۆەسا چەندین فەرمانگەهــ و رێڤەبەری و سازییێن تایبەت ب پاراستنا ژینگەهێ ڤە دامەزراندینە و بەردەوام پشتهڤانه بۆ هەمى سازیێن د بیاڤێ پاراستنا ژینگەهێ دا کاردکەن، پاشی دەستخوشی ل رێڤەریێن فەرمانگەها پاراستنا ژینگەها دهوکێ و رێڤەبەریا گشتی یا باژێرڤانیان کر بۆ وان بزاڤ و پرۆژێن تایبەت دوارێ پاراستنا ژینگەهێدا و داخوازکر هەم جهێن پەیوەندیدار زێدەتر رولێ خو بگێرن و پشتەڤانیا پارێزگەها دهۆکێ بو دوپات کرەڤە، پاش پشكداربوویان بیروبوچۆنێن خو بەرچاڤکرن لسەر رەوشا ژینگەها دەڤەرێ ب گشتی و ب تایبەت سنورێن چیایی یێن پارێزگەها دهۆکێ و تێکدانا ژینگەهێ ژ ئەگەرێ شەر و پێکدادانێن هێزێن دەرەکی کو بووینە مەترسی بو ژناڤچۆنا ژینگەها هەرێما کوردستانێ ب گشتی و پارێزگەها دهۆکێ ب تایبەتی، لدویڤدا گەنگەشە هاتە کرن لسەر پاراستنا ژینگەها سەنتەرێ پارێزگەهێ و کێمکرنا هەمى وان ئەگەر و هۆکارێن دبنە سەدەمێ پیسبونا ژینگەهێ.
