ئەڤرۆ ماجد سه‌ید صالح جێگرێ پارێزگارێ دهۆكێ ب وه‌كاله‌ت كۆمبوونه‌ك دگه‌ل به‌رێزان عمر على ته‌ها رێڤه‌به‌رێ گشتى یێ په‌روه‌ردێ ل پارێزگه‌هێ و د.سیروان رێڤه‌به‌رێ پشكا خوپارستنا ساخله‌میێ ود.نورالدین رێڤه‌به‌رێ بنگه‌هێ زانین یێ ساخله‌میا قوتابخانان سازكر.
دكۆمبونێدا به‌حسێ بریارا حكومه‌تا هه‌رێمێ بو ڤه‌كرنا قوتابخانا وده‌ستپێكرنا پروسا خاندنێ وچاوانیا بجهئینانا رێنمایێن خوپاراستنێ ژڤایروسێ كورونایێ ب گشتى هاته كرن.
پشتى گه‌نه‌گه‌شێن تێر وته‌سه‌ل لسه‌ر هه‌موو بابه‌تێن كۆمبوونێ هاتینه كرن جێگرێ پارێزگارێ دهۆكێ ب وه‌كاله‌ت ته‌كه‌ز كو هێشتا مه‌ترسیا ڤایروسێ كورونا مایه و دڤێت كارێ لیژنێن تایبه‌تمه‌ند ودووچونێ پتر بهێته خورتكرن و به‌رده‌وام سه‌ره‌دانا قوتابخانا بكه‌ن وژنێزیك دووڤچونا ره‌وشا قوتابییان وقوتابخانان بهێته كرن وپشته‌ڤانیا پارێزگه‌هێ نیشان دا بو هه‌ڤكاریه‌كێ .
هه‌ر دكۆمبوونێدا رژدى ل سه‌ربجهئینانا ڤان رێنمایان هاته كرن هه‌موو ماموستا وقوتابى به‌رده‌وام ده‌ستێن خو بشون وماسكا لبه‌ر خو بكه‌ن و ژهه‌ڤدوو دووربن وسه‌قایێ پولا خاندنێ یێ سروشتیبیت وبه‌رده‌وام په‌نجه‌ر دڤه‌كریبن .
هه‌روه‌سا هه‌ر حاله‌ته‌كێ گومالێكرى په‌یدابوو دڤێت بو بنگه‌هه‌كێ ته‌ندورستى بهێته ره‌وانه‌كرن دا پێرابونێن پێدڤى بهێنه وه‌رگرتن .
