ئەڤرۆ کۆمبوونا لیژنا پیشەسازیی ل پارێزگەها دهۆکێ ب سەرپەرشتیا “دكتورعەلی تەتەر” پارێزگارێ دهۆکێ ب ئامادەبوونا رێڤەبەریێن پەیوەندیدار و ئەندامێن لیژنێ هاتەکرن.
دکۆمبوونێدا پشتی دان و ستاندنێ ل سەر ٢٤ پرۆژێن کارگەهێن پێشه‌سازى رازه‌مه‌ندى لسه‌ر هاته‌دان كو دبیاڤێن کەرەستێن ئاڤاکرنێ، خوارنێ و ئاری، بەرهەمئنانا کلینس و پەمبی، چێکرنا هەمی جۆرێن پاقژکەرا، بەرهەمئینانا جورێن بوریێن ئاسنی، نەخشکرنا شیشەیی، و هەروەسا داگرتنا بوتلێن غازا شل كار دكه‌ن.
پارێزگارێ دهۆکێ دۆپاتکر، ل دویڤ رێنما و قانونێ ئاسانکاریی بو پێشڤەبرنا کەرتێ پیشەسازیی ل سنۆرێ پارێزگەها دهۆکێ دهێتەکرن.
