د.عەلى تەتەر: دخوازین زانایێن ئایینى رولێ خو پتر ببینن بو به‌لافكرنا په‌یاما پێكڤه‌ژیان و لێبورین وهه‌ڤدوو قه‌بولكرنێ دناڤبه‌را هه‌مى پێكهاتان دا

ئه‌ڤرۆ د.على ته‌ته‌ر پارێزگارێ دهۆكێ پێشوازیا شانده‌كێ لقێ ئامێدیێ یێ ئێكه‌تیا زانایێن ئاینێ ئیسلامى كوردستان كر.
دهه‌ڤدیتنه‌كێدا به‌حسێ ڤه‌كرنا لقێ نوو یێ ئێكه‌تیا زانایێن ئاینێ ئیسلامى كوردستان ل ئامێدیێ وگرنگیا ڤه‌كرنا لقا ناڤبرى ل سنورێ ده‌ڤه‌رداریا ئامێدیێ هاته‌ كرن .
دته‌وه‌ركێ دن دا به‌حسێ كار وپرۆژێن حكومه‌تا هه‌رێما كوردستانێ ل سنورێ ده‌ڤه‌رداریا ئامێدیێ كو بكوژمێ پتر 87ملیار دینارا دهێنه‌ ئه‌نجامدان وگرنگیا وان پرۆژا بو خزمه‌تكرنا خه‌لكێ ده‌ڤه‌رێ هاته‌ كرن.
پارێزگارێ دهۆكێ پیروزباهیا شاندى وزانایێن ئاینى ل سنورێ ده‌ڤه‌رداریا ئامێدیێ كر بو ڤه‌كرنا لقێ نوو وخواست كو زانایێن ئاینى ل وێ ده‌ڤه‌رێ رولێ خو پتر ببینن بو به‌لافكرنا په‌یاما پێكڤه‌ژیان و لێبورین وهه‌ڤدوو قه‌بولكرنێ دناڤبه‌را هه‌موو پێكهاتێن ده‌ڤه‌رێدا وبه‌رهه‌ڤیا پارێزگه‌هێ نیشان بو هه‌ر هه‌ڤكاریه‌كێ.
هه‌ژى گوتنێ یه‌ ل 20-12-2020 لقێ ئامێدیێ یێ ئێكه‌تیا زانایێن ئاینێ ئیسلامى كوردستان هاتیه‌ دامه‌زراندن.