ئه‌ڤرۆ ب ئاماده‌بوونا جه‌هوه‌ر عه‌لى قائیمقامێ قه‌زا دهۆكێ د رێوره‌سمه‌كێ دا هه‌ردوو رێڤه‌به‌رێن ناحییێن زاویته و مانگێش هاتنه گۆهۆڕین.
ئدریس محه‌مه‌د ل شوینا مشیر محه‌مه‌د به‌شیر وه‌كو رێڤه‌به‌رێ نوى یێ ناحیا زاویته هاته دانان.
هه‌روه‌سا بریندار حه‌یده‌ر ل شوینا موشتاق عسمه‌ت وه‌كو رێڤه‌به‌رێ نوی یێ ناحیا مانگێش هاته دانان.
قائیمقامێ قه‌زا دهۆكێ گۆهۆرینێن د ناڤا دام و ده‌زگه‌هێن حكومه‌تێ دا ب تشته‌كێ ئاسایی دا زانین و گۆت: گۆهۆرین ژ پێخه‌مه‌ت زێده‌تر خزمه‌تكرنا وه‌لاتییانه. و سوپاسییا هه‌ردوو ڕێڤه‌به‌رێن به‌رێ یێن ناحیا زاویته و مانگێش كر بۆ وێ خزمه‌تا د چه‌ند سالێن بووریدا پێشكێشكرین و داخوازا سه‌ركه‌فتنێ بۆ ڕێڤه‌به‌رێن نوى خواست.
