ئەڤرۆ ل كوچكا پارێزگەهێ ب ئامادەبوونا دكتور علی تەتەر پارێزگهرێ دهۆكێ و فەهیم عبدالله سەروكێ جڤاتا پارێزگەها دهۆكێ و ماجد سەید صالح جێگرێ پارێزگهرێ دهۆكێ ب وەكالەت و قائیمقامێن پارێزگەهێ، رێ و رسمێن دەستبكاربوونا شهمعون شلێمون جێگرێ نوى یێ پارێزگهرێ دهۆكێ هاتنە گێران .
پارێزگهرێ دهۆكێ دپەیڤەكێدا : بناڤێ حكومەتا هەرێما كوردستانێ و پارێزگەها دهۆكێ پیروزباهیا جێگرێ نوى یێ پارێزگهرێ دهۆكێ كر و خوشحالیا خو دیاركر كو كەسەكێ كرستیان ژ بزاڤا دیموكراتی یا ئاشوری ئەڤ پوستێ كارگێری ل پارێزگەها دهۆكێ وەرگرتیە.
هەروەسا گوت: دهۆك پارێزگەها پێكڤە ژیانێ یە و كابینا نههێ یا حكومەتا ههرێما كوردستانێ ڤیایە ئەڤ رەنگڤەدانا پێكڤە ژیانێ ل ناڤ دەزگەهێن میری ژی بهێتە پەیرەوكرن و داخوازكر جێگرێ نوى یێ پارێزگهرێ دهۆكێ لدویڤ رێنما ویاسایێن حكومەتا هەرێما كوردستانێ ب باشترین شێوە و بێ جوداهى خزمەتا هەمى پێكهاتێن پارێزگەهێ بكەت و میناكهكا جوان و شارستانی نیشا خەلكێ خو و خهلكێ بیانى ژى بدهین.
هەروەسا دەست خوشی ل ماجد سەید صالح جێگرێ پارێزگارێ دهۆكێ ب وەكالەت كر ل دور ئەو خزمەتا بەری نوكە ئەنجامدای .
هەر بڤێ هەلكەفتێ جێگرێ نوى یێ پارێزگارێ دهۆكێ تەكەزكر كو ئەو دێ ل جهێ وێ باوەریێ دا بیت یا پێ هاتیە راسپاردن و لدویڤ رێنما و یاسایێن حكومەتا كوردستانێ كار و خزمەتا خەلكێ پارێزگەهێ كەت و بەردەوام دێ داكوكیێ ل سەر پێكڤەژیان وهەڤدوو قەبویلكرنێ كەت.
