ئەڤرۆ لسەر رێکا زاویتە – دھۆک ژ ئەگەرێ لەزاتییێ ترومبێلەک وەرگەریا و د ئەنجام دا کەسەکی گیانێ خۆ ژ دەست دا و سێ کەس ژی برینداربوون.
موقەدم ئازاد تاھا بەرپرسێ راگەھاندنا رێڤەبەریا ھاتن و چوونێ ل پارێزگەھا دھوکێ دیارکر: ئەڤرۆ ل دەمژمێر ١٢:٣٠ی نیڤرۆ لسەر جاددا دناڤبەرا ناحیا زاویتە بۆ پارێزگەھا دھۆکێ نێزیک دووریانا گۆندێ (بابلۆ) ترۆمبێلەکا ژ جۆرێ (نیسان سێنترا) وەرگەریا و دئەنجام دا کەسەکێ گیانێ خۆ ژ دەست دا و سێ کەسێن دی ژی برینداربوون و رەوانەی نەخۆشخانێ ھاتنه کرن.
ناڤبرى ئەڤ چەندە بۆ نەپێگیریکرن ب رێنمایێن ھاتن و چوونێ ڤەگەراندن و داخاز کر کو شوفێر پێگیریێ ب رێنمایێن ھاتن و چوونێ بکەن داکو گیانێ وان و وەلاتییان یێ پاراستی بیتن.
