حه‌سه‌ن روحانى سه‌روك كومارێ ئیرانێ راگه‌هاند: ئه‌وێن ده‌ستێ قاسم سوله‌یمانى برى، دێ پێت وان ل ده‌ڤه‌رێ كورت كه‌ین و ده‌رئێخستنا ئه‌مریكا مه‌زنترین تولڤه‌كرنا قاسم سوله‌یمانى یه.
روحانى ، دونالد ترامپ و مایك پومپیو ب به‌رپرسیارێن سه‌ره‌كى یێن وێ رویدانێ بناڤ كرن و گوت: سالا بهێت سه‌رده‌مێ ترامپیزم دێ بدوماهیك هێت و ئاسایش و ئارامى دێ بو جیهانێ ڤه‌گه‌ریت.
دهه‌مان ده‌مدا جه‌واد زه‌ریف وه‌زیرێ ده‌رڤه یێ ئیرانێ ژى گه‌فێن تولڤه‌كرنێن دژوار ل ئه‌مریكا كرن و راگه‌هاند: هه‌ر لڤینه‌كا ئه‌مریكا و هێرشێن وێ دێ لێككه‌فتنێن كاره‌ساتبار بو واشنتون هه‌بن.
