جێگرێ سوپا سالارێ هێزێن پێشمه‌رگه‌ى بو ئوپراسیونان ل وه‌زاره‌تا پێشمه‌رگه‌ى راگه‌هاند ، پشتى هنارتنا لیستا ناڤێ ئه‌فسه‌رێن پیشمه‌رگه‌ى بو پله‌بلندكرنا وان ، نوكه جڤاتا وه‌زیران رازیبونا خو ل سه‌ر دایه و بو وه‌زاره‌تا پێشمه‌گه‌ى هنارتیه كو ل سالا 2017 وه‌ره دێ بو وان هێته هژمارتن و هه‌مى جورێن پلان تێدانه ودێ هه‌مى ئه‌فسه‌رێن پێشمه‌رگه‌ى گریت
لیوا قاره‌مان كه‌مال جێگرێ سوپا سالارێ هێزێن پێشمه‌رگه‌ى بو مالپه‌رێ فه‌رمى یێ پارتى دیموكراتى كوردستان راگه‌هاند ، پشتى لیستا ناڤێ ئه‌فسه‌رێن هێزێن پیشمه‌رگه‌ى پێشكێشى جڤاتا وه‌زیران كرین بو سالا 2017 ، دنوكه دا جڤاتا وه‌زیران رازیبونا خو ل سه‌ر دایه و بو وه‌زاره‌تا ثێشمه‌رگه‌ى هنارتیه و ده‌ست ب بجهـئینانا پله بلندكرنا وان ئه‌فسه‌ران دێ هێته كرن كو رازیبون ل سه‌ر پله‌بلندكرنا وان دایه
لیوا قاره‌مان كه‌مال جێگرێ سوپا سالارێ هێزێن پێشمه‌رگه‌ى گوت ژى ، پشتى رازیبون هاتیه دان ل سه‌ر ناڤێن 2017 ێ ، نوكه مژویلن بو ئاماده‌كرنا لیستا ناڤێن 2018 و وان بو جڤاتا وه‌زیران دێ ره‌وانه كه‌ن داكو رازه‌مه‌ندى ل سه‌روان ژى بهێته دان و دیاركر ئه‌و پله بلندكرنه هه‌مى هێزێن پێشمه‌رگه‌ى ڤه‌دگریت ئه‌وێن دناڤ وه‌زاره‌تێ دا و یه‌كه‌ێن حه‌فتێ و هه‌شتێ و هێزێن زێره‌ڤانى و هێزێن هه‌وار هاتنێ ژپلا میلازم حه‌تا بلندترین پله دلیستا وه‌زاره‌تا پێشمه‌رگه‌ى دا
