حكومه‌تا هه‌رێما كوردستانێ بریار دایه پروژه قانونا بودجا هه‌رێما كوردستانێ بهنێریته په‌رله‌مانى، ئه‌ندامه‌كێ لیژنا دارایى ژى، ئه‌و پێنگاڤ ب گرنگ و ئه‌رێنی دا زانین و گوت، ئه‌ڤ چه‌نده شه‌فافیه‌تا حكومه‌تێ دگه‌هینیت، كو په‌رله‌مان ئاگه‌هدارێ هه‌مى هویربینیان بیت.
ئه‌ر‌شه‌د حسێن، ئه‌ندامێ لیژنا دارایى ل په‌رله‌مانێ كوردستانێ راگه‌هاند، حكومه‌تا هه‌رێما كوردستانێ لسه‌ر داخازا خو بریار دایه ئه‌ڤ ساله پروژه قانونا بودجا هه‌رێما كوردستانێ بهنێریته په‌رله‌مانى و داهاتى دیار بكه‌ت، بره‌نگه‌كێ ته‌خمینى دیار بكه‌ت و پاشى بهنێریته په‌رله‌مانى، و په‌رله‌مان ژى دێ گه‌نگه‌شێ لسه‌ر كه‌ت و دێ په‌سه‌ند كه‌ت، كو دێ بیته بودجا ساله‌كا حكومه‌تا هه‌رێما كوردستانێ.
گوت ژى مه‌ره‌ما حكومه‌تا هه‌رێما كوردستانێ بو هنارتنا پروژه قانونا بودجێ بو په‌رله‌مانى ئه‌وه، بزانیت داهات چه‌نده و په‌رله‌مانێ كوردستانێ ژى ئاگه‌هدار بیت و په‌سه‌ند بكه‌ت و دێ هه‌مى هویربینى لبه‌ر ده‌ستێ په‌رله‌مانى بن.
