ئهڤرو شمعون شلیمون جێگرى پارێزگارێ دهۆكێ پێشوازیا شاندهكێ رێكخراوا یونسێڤ ل سهر ئاستێ عیراقێ وههرێمێ كر كو یێ پێك هاتى بوو ژ بلال كهسوانى بهرپرسێ پشكا سیاسى وجڤاكى یێ رێكخراوا یونسێڤ ل عیراقێ و زهریما خان بهرپرسا پشكا سیاسى وجڤاكى ل ههرێما كوردستانێ.
دههڤدیتنهكهێدا ب ئامادهبوونا رێڤهبهرێ گشتى یێ چاڤدێریا گهشهپێدانا جڤاكى ل پارێزگههێ ورێڤهبهرێ فهرمانگهها سهرژمێریێ ل پارێزگههێ بهحسێ بهرنامێن رێكخراوا یونسێڤ ل ههرێما كوردستانێ وعیراقێ وب تایبهتى بهرنامێن وان ل سنورێ پارێزگهها دهۆكێ وههڤكارى وهاریكارى دناڤبهرا تیمێن رێكخراوێ و سازیێن پهیوهندیدار ل پارێزگههێ هاته كرن.
ههروهسا چهند تهوهرێن گرنگ یێن كو رێكخروا یونسێڤ كار لسهر دكهت وهكى ئهنجامدانا سهرژمێریهكا تایبهت ل سهر خێزان وزاروكێن ههژار و ڤهكرنا خولێن مهشق وراهێنانێ بو پێشئێخستنا شیانێن كارمهندێن تورا پاراستنا جڤاكى ل پارێزگهها دهۆكێ و بابهتێ پشتهڤانیكرن وهاریكاریكرنا ژنێن دوو گیان برێكا تورا پاراستنا جڤاكى هاتنه گهنگهشهكرن.
