ئه‌ڤرو جڤاتا وه‌زیرێن هه‌رێما كوردستانێ ب سه‌روكاتیا مه‌سرور بارزانى سه‌روكێ جڤاتا وه‌زیران و ئاماده‌بوونا قوباد تاله‌بانى جێگرێ سه‌روك وه‌زیران كومبوون .
د كومبوونێدا جێگرێ سه‌روك وه‌زیران و سه‌روكێ شاندێ دان و ستاندنكار دوماهیك پێشهاتێن گه‌نگه‌شا دگه‌ل حكومه‌تا فیدرال سه‌باره‌ت پرسا بودجێ و شایستێن دارایى یێن هه‌رێما كوردستانێ به‌حسكر و ته‌ئكید كر كو دێ دبه‌رده‌و‌ام بن ل سه‌ر دان وستاندنان و نوكه ئاماده‌یه‌كا باشتر هه‌یه بو چاره‌سه‌ركرنێ .
لدویڤدا وه‌زیرێ دارایى و ئابورى ئاوات شێخ جه‌ناب و دارا ره‌شید وه‌زیرێ پلاندانانێ تیشك ئێخستنه سه‌ر ئاماده‌كاریێن پروژه قانونا بودجا هه‌رێما كوردستانێ بو سالا 2021 .
د برگه‌كا دى یا كومبوونێ دا وه‌زیرێ پلاندانانێ نڤیسارا پروژه په‌یره‌وێ هه‌ڤپشكێ دناڤبه‌را كه‌رتێ گشتى و كه‌رتێ تایبه‌ت ل هه‌رێما كوردستانێ به‌حسكرن و پشتى گه‌نگه‌شه‌كرنێ و پێكگوهارتنا بیروبوچوونا په‌یره‌و هاته په‌سه‌ندكرن .د برگه‌كا دیدا سامان به‌رزنجى وه‌زیرێ ساخله‌میێ راپوته‌ك سه‌باره‌ت ڤایروسێ كورونایێ و پلانا وه‌زاره‌تێ سه‌باره‌ت رێكارێن ساخله‌میێ بو رویبریبوونا ڤایروسێ گهورى به‌حسكر
لدوماهیێ ئالان حه‌مه سالح وه‌زیرێ په‌روه‌ردێ پشت راستكرن ب به‌رده‌وامیا خاندنێ ب رێكارێن ساخله‌میێ پێخه‌مه‌ت پاراستنا سلامه‌تیا قوتابیان و ناڤه‌ندێن خاندنێ دا.جڤاتا وه‌زیران زێده‌بارى سوپاسیكرنا وه‌زیرێ ساخله‌میێ و د هه‌مان ده‌م دا وه‌زاره‌ت و ده‌زگه‌هێن حكومه‌تێ راسپاردن ب رێكارێن خوپاراستنێ داخواز ژ وه‌لاتیان كر كو هه‌ڤكاربن بو بجهئینانا پلان و رێكارێن حكومه‌تا هه‌رێمێ بو به‌رسینگرتنا به‌لاڤبوونا ڤایروسێ گهورى یێ كورونایێ .
