ئه‌ڤرۆ ب سه‌رپه‌رشتیا مه‌سرۆر بارزانى سه‌روكێ جڤاتا وه‌زیرێن هه‌رێما كوردستانێ و ب ئاماده‌بوونا قوباد تاله‌بانى جێگرێ سه‌روك وه‌زیران كومبوونا حه‌فتیانه یا جڤاتا وه‌زیران ب رێڤه‌چوو.
ل ده‌ستپێكا كومبوونا جڤاتا وه‌زیران دووپاتى لسه‌ر پێگیریكرنا حكومه‌تا هه‌رێما كوردستانێ ب قانونا بوجه‌یا فیدرالى هاته‌كرن و پێگیریا حكومه‌تا فیدرالى ژى ل سه‌ر بجهئینانا قانونا بودجێ و هنارتنا پشكا بوجه‌یا هه‌رێمێ بلند سه‌نگاند و سه‌روكێ جڤاتا وه‌زیران ده‌ست خوشى ل شاندێ دانوستاندكارێ حكومه‌تا هه‌رێما كوردستانێ كر كوه ب سه‌ركه‌فتیانه ئه‌ركێ خوه بجهئینایه و ب هه‌مى ره‌نگان داكوكى ژماف و شایستێن دارایى یێن هه‌رێمێ كریه مه‌سرور بارزانى خواست ئه‌ڤ رێكه‌فتنه ببیته ئه‌گه‌رێ باشتربوونا ره‌وشا هه‌رێما كوردستانێ.
هه‌ر د كومبونێ دا سه‌روك وه‌زیران روناهى ئێخسته سه‌ر سه‌ره‌دانا شاندێ بلندێ حكومه‌تا هه‌رێما كوردستانێ بۆ هه‌ردو وه‌لاتێن به‌لچیكا و یونان و ئاماژه ژى كر كو به‌رپرسێن بلندێن وان وه‌لاتان پشته‌ڤانیا خو بو كارناما چاكسازیا حكومه‌تا هه‌رێما كوردستانێ ده‌ربرى وه‌كو فاكته‌ره‌كێ گرنگێ سه‌قامگێرى یێ ده‌ڤه‌رێ.
لدویڤدا قوباد تاله‌بانى جێگرێ سه‌روك وه‌زیران و سه‌روكێ شاندێ دانوستاندكارێ هه‌رێمێ دویماهى پێشهاتێن دانوستاندنێ ل گه‌ل وه‌زاره‌تێن په‌یوه‌ندیدارێن حكومه‌تا فیدرال به‌رچاڤكرن و ب تایبه‌ت میكانزما بجهئینانا ماددێ (11) ژ قانونا بودجه‌یا فیدرالى بۆ سالا 2021
دبرگه‌یه‌كا دى یا كومبوونا جڤاتا وه‌زیران دا ئاوات شێخ جه‌ناب وه‌زیرێا دارایى و ئابورى رونكرنه‌كا پێدڤى ده‌رباره‌ى دووماهى ئاماده‌كاریێن ره‌شنڤیسىێ پرۆژه قانونا بۆدجویا هه‌رێما كوردستانێ بۆ سالا 2021 به‌رچاڤكر
دبرگه‌یا دووماهیا كومبوونێ دا دانوستاندن سه‌باره‌ت رێكخستنا ده‌واما ده‌زگه‌هێن حكومه‌تا هه‌رێما كوردستانێ كر و بریاردا ل حه‌فتیا بهێت ده‌واما فه‌رمانگه‌هێن حكومه‌تێ ئاسایى بیت.
