جڤاتا ئاسایشا هه‌رێما كوردستانێ دانپێدانا دادگه‌هكرییێن به‌هدینان به‌لاڤكر و ئاماژه ب وی چه‌ندێ كر، د پروسا ڤه‌كولینێدا و لدویڤ به‌لگه و دانپێدانا وان دادگه‌هكریان، هاته سه‌لماندن كو وان په‌یوه‌ندییه‌كا ئێكسه‌ر دگه‌ل چه‌كه‌كێ و چه‌ندین لایه‌نێن دى هه‌بوویه.
ل ڕێككه‌فتى 16/2/2021ێ دادگه‌ها هه‌ولێرێ پێنج ڕاگرتییێن پارێزگه‌ها دهوكێ ب تو‌همه‌تا تێكدانا ئێمناهییا نیشتیمانى یا كوردستانێ بریارا زیندانكرنا وان بۆ ده‌مێ شه‌ش سالان ده‌رئێخست، ئه‌و ڕاگرتى ژى پێكدهاتن ژ شێروان شێروانى، مه‌لا شڤان سه‌عید به‌ڕۆژكى، ئه‌یاس كه‌ره‌م پەرچى، هاریوان عیسا و گوهدار محه‌مه‌د ئه‌مین.
د ڕاگه‌هاندنا جڤاتا ئاسایشا هه‌رێمێ دا هاتییه، چ گڤاشتنێن ده‌روونى و جه‌سته‌یى نه‌گه‌هشتینه وان 5 ڕۆژنامه‌ڤان و چالاكڤانان، وى گروپى دانپێدان كرییه كو برێكا مه‌سنجه‌رى وان سیخورى بۆ چه‌ند لایه‌ن و گروپێن دى كرییه و هیچ په‌یوه‌ندییه‌كا وان ب ڕۆژنامه‌ڤانى و چالاكڤانییێ ڤه نینه.
