هه‌ر سه‌باره‌ت مووچه و رێككه‌فتنا دگه‌ل به‌غدا جووتیار عادل، په‌یڤدارێ حکومەتا هەرێما کوردستانێ د وى پرێس كونفرانسیدا راگەهاند: ئارمانجا حکومەتێ بجهئینانا یاسایێ یه ل ده‌ریێن سنوورى.
جوتیار عادل هەروەسا راگەهاند: پێشێڵکرنا یاسایێ ل هنده‌ك ده‌رگه‌هێن سنوورى هەیە“ و وەزارەتێن کاروبارێن پێشمەرگە و نافخو ئامادەكاریێن خو بۆ رێگرتنێ ل پێشێڵکاری و کارێن نه‌یاسایی ل وان ده‌رگه‌هێن سنوورى دەربڕییه.
ده‌ربارەی به‌لاڤكرنا مووچەى، په‌یڤدارێ حکومەتا هەرێما کوردستانێ راگەهاند: به‌لاڤكرنا مووچەیى ژ ئەولەویەتێن کارێن حکومەتێ یه، و بریارا به‌لاڤكرنا مووچه‌ى 30 رۆژا جاره‌كێ دێ یا به‌رده‌وام بیت.
جووتیار عادل ئاماژه دا، کو د ڤێ حه‌فتیێ دا حكومه‌تا هه‌رێما كوردستانێ دێ دوو دوسیه‌یێن گرنگ هنێریته به‌غدا ئه‌و ژى: خه‌رجیێن نه‌فتا هاتییه به‌رهه‌مئینان و داهاتێ نه‌نه‌فتی یێ فیدرالى.
په‌یڤدارێ حکومەتا هەرێما کوردستانێ راگەهاند، ب مخابنى ڤه پەکەکە بوویه ئه‌گه‌رێ شەهیدبوون و ئاوارەبوونا خەڵکى و مەترسی ل سەر ده‌ڤه‌رێ و ئاسایشا دەوڵەتى ژى دروست کرییه.
