ههر ئێك ژ جڤاتا نوینهران و جڤاتا پیرێن ئهمریكا، سكالایێن لسهر ئهنجامێن ههلبژارتنان رهتكرن و دهنگێن جڤاتا ههلبژارتنان پهسهندكرن و جۆ بایدن ب فهرمی ژ لایێ كۆنگرێسێ ئهمریكا ڤه وهك سهرۆكێ ئهمریكا یێ 46 هات پهسهندكرن.
كۆنگرێسێ ئهمریكا ژی سهركهفتنا جۆ بایدنی بۆ سهرۆكێ ئهمریكا ب 306 دهنگان پهسهندكر، ئهڤه ژی پشتی هێرشا دوهی یا لایهنگرێن دۆنالد ترامپی بۆ سهر كۆنگرێسێ دهێت.
ژلایێ خوڤه دونالد ترامپ سهرۆكێ ئهمریكا دانپێدان ب ئهنجامێن ههلبژارتنێن سهرۆكاتییا ئهمریكا كر و راگههاند؛ دێ ل 20ێ ڤێ ههیڤێ دهستههلاتێ ڕادهست كهت.
دۆنالد ترامپ، سهرۆكێ ئهمریكا د بهیانهكێ دا راگههاند، سهرهڕای كو ب ئهنجامێن ههلبژارتنان نهڕازییه، بهلێ دێ ل 20ێ ڤێ ههیڤێ دهستههلاتێ ڕادهست كهت.
