جه‌عفه‌ر ئێمینكى ئه‌ندامێ مه‌كته‌با سیاسى یا پارتى دیموكراتى كوردستان دبێژیت د شیان دایه ئه‌ڤ ساله هه‌رێما كوردستانێ ببیته خودان دستور، جه‌عفه‌ر ئێمینكى ئه‌ندامێ مه‌كته‌با سیاسى یا پارتى كو د هه‌مان ده‌م دا سه‌روكێ ده‌سته‌یا شیره‌تكاریا سه‌روكاتیا هه‌رێما كوردستانێ یه دبێژیت مه‌ترسى و ئاریشه ل هه‌رێما كوردستانێ هه‌نه به‌لێ دستور بابه‌ته‌كه پێدڤى بو زویتر هاتبا چاره‌سه‌ركرن و دشیان دایه ئه‌ڤ ساله ببینه خودان دستوره‌كێ رێك وپێك، هه‌روه‌سا گوت مه‌ره‌ما سه‌ره‌كى یا نڤیسینا دستورى ئه‌وه ئاستێ هه‌رێما كوردستانێ ژلایێ ئیعتیبارى ڤه بگه‌هیته ئاستێ دام و ده‌زگه‌هێن دستورى و ئه‌م هه‌مى پێگیرى وى دستورى بین به‌لێ حه‌تا نوكه ئاستێ دام و ده‌زگه‌هێن مه لدویڤ قانونێ نه و ئه‌م هه‌مى دزانین كو قانون نزمتره ژ دستورى و قانون هێزا خو یا قانونى ژ دستورى وه‌ردگریت هه‌روه‌سا هه‌رێما كوردستانێ پێدڤى ب سه‌قامگیریه‌كا سیاسى یا باشتر هه‌یه له‌وما ئه‌م وه‌سا دبینین ئه‌ڤ هه‌ردوو ئه‌گه‌ره بابه‌تێن بهێز و پێدڤى نه بو هه‌بونا دستورى بو هه‌رێما كوردستانێ
