حکومەتا تورکیا ل سەر کڕینا سیستەمێ رۆسی یێ بەره‌ڤانیا ئەسمانی یا رژدە .
ئه‌ڤرو وەزیرێ بەره‌ڤانیا تورکیا راگەهاند: ئەو سیستەم دژی هەڤپەیمانێن تورکیا ناهێتە بکارئینان.
بابەتێ کڕینا سیستەمێ ئێس 400 یێ رۆسی ژ لایێ تورکیا ڤە، بوویە ئەگەر کو پەیوەندیێن ئەنقەرە و واشنتۆن تا رادەیەکی تێک بچن.
خولۆسی ئاکار، وەزیرێ بەره‌ڤانیا تورکیا راگەهاند: تورکیا سیستەمێ مۆشەکی یێ ئێس 400 دژی هەڤپەیمانێن خۆ بکار نائینیت، بەلکو دێ دژی هەر وەلاتەکی هێتە بکارئینان یێ هێرشێ بكه‌ته سه‌ر تورکیا.
ژ لایێ خۆ ڤە ئەمریکا دبێژیت: نابیت تورکیا وی سیستەمی بکڕیت، ژبەر کو تورکیا ئەنداما ناتۆیێ یە و کڕینا سیستەمەکێ مۆشەکی ژ وەلاتەکێ نەئەندام د ناتۆیێ دا، دێ کارتێکرنێ ل سه‌ر ئاساییشا وەلاتێن ئەندامێن ناتۆیێ کەت
