ئه‌ڤرۆ پشتى نیڤرو ب ئه‌گه‌رێ هه‌بوونا بنگه‌هـ و باره‌گایێن په‌كه‌كێ، فرۆكێن شه‌ركه‌رێن توركیا سنورێ چه‌ند گونده‌كان ل ناحیا كانێ ماسێ یا سه‌ر ب قه‌زا ئامێدیێ بۆمبه‌باران كر.
ژێده‌رێن ده‌نگ وباسان دیاركرئه‌ڤرۆ فرۆكێن شه‌ركه‌رێن توركیا ب دژوارى بنگه‌هـ و باره‌گه‌هێن چه‌كدارێن په‌كه‌كێ ل سنورێ زنارێ كێسته بۆمبه‌بارانكرن كو 11 گوندێن ناحیا كانى ماسێ ب خۆ ڤه دگریت و شه‌ر و ئالۆزیه‌كا مه‌زن ل وێ ده‌ڤه‌رێ دورست بوویه.
گۆت ژى، ئه‌و گوندێن كو سنورێن وان ژلایێ توركیاڤه هاتیه بۆمبه‌باران كرن هه‌ر ئێك ژ گوندێن چه‌لكێ، هرورێ، دێشیشێ، قومریێ، ئه‌دنێ، سه‌ره‌رۆ و چه‌ندین گوندێن دى كو سه‌رجه‌مێ وان دگه‌هیته 11 گوندان و نوكه ژى خه‌لك د ناڤ گوندێن خۆدا ماینه و ژ به‌ر ترسا شه‌رێ په‌كه‌كێ و توركیا نه‌شێن ژ مالێن خۆ ده‌ركه‌ڤن.
ل دۆر زیانێن گیانى و ماددى یێن شه‌رێ ئه‌ڤرۆ، هه‌تا نوكه چ زانیاریه‌ك نه‌هاتیه به‌لاڤكرن.
