“مەسرور بارزانی” سەرۆکێ حکۆمەتا هەرێما کوردستانێ و جێگرێ سەرۆکێ حکۆمەتێ ب رێکا ڤیدیو کۆنفرانس دگەل پارێزگارێن هەرێما کوردستانێ ب پشکداریا “د.عەلی تەتەر” پارێزگارێ دهۆکێ کۆمبوون.
دکۆمبوونێدا ل دۆر کێشە و گرفتێن دارایی یێن پارێزگەهان و پلانا حکۆمەتێ بو ئەنجامدانا پرۆژێن خزمەتگۆزاری بۆ سالا ٢٠٢١ێ دان و ستاندن هاتەکرن.
سەرۆکێ حکۆمەتا هەرێما کوردستانێ ئاماژە ب وێ یەکێدا کو حکۆمەتا هەرێما کوردستانێ هەمی هەولێن خو داینە بو دابینکرنا مووچەیێ مووچە خۆرێن هەرێمێ کو ئەولەویاتێن حکۆمەتێ یە، و راگەهاند ژی ددان و ستاندنان دا دبەردەوامین دگەل حکۆمەتا فیدرال بو دابینکرنا شایستەیێن دارایی یێن هەرێما کوردستانێ و دهەمان دەمدا ب وی داهاتێ لبەردەست دچوارچووڤێ بودجا هەرێما کوردستانێ بو سالا ٢٠٢١ێ دێ درێژیی ب ئەنجامدانا چەندین پرۆژێن خزمەتگۆزاری هێتەدان ل هەمی پارێزگەهێن هەرێما کوردستانێ.
دکۆمبوونێدا پلانا حکۆمەتا هەرێما کوردستانێ بو جێ بەجێکرنا پرۆژێن گەشەپێدانا پارێزگەهان و ئەو پرۆژێن وەزارەتان کو ل پارێزگەهان ئەنجام ددەن دسێکتەرێن “باژێرڤانی، کارەبا، ساخلەمی، چاندن،پەرەوەردە، و رێک و پران” بو سالا ٢٠٢١ێ هاتنە پەسەندکرن ل. کو ب داهاتێ بەردەستێ حکۆمەتا هەرێما کوردستانێ دێ هێنە ئەنجامدان وکۆژمێ گشتیێ پرۆژان ل سەر ئاستێ هەرێما کوردستانێ سێسەد و چل ونەهـ مليار و حەفسەد و دوو ملیون دینارە و ژ وان ب کۆژمێ ٧٧ ملیار دیناران دسالا ٢٠٢١ پرۆژە ل سنورێ هەمی قەزایێن پارێزگەها دهۆکێ دێ هێنە ئەنجامدان و ب تایبەتی ل وان قەزایێن کێمتر پرۆژە و خزمەتگۆزاری لێ هەین.
