ل دویڤ فەرمانەکا پارێزگەرێ دھۆکێ رێڤەبەرێ ناحیا رزگاری یا سەر ب قه‌زا زاخۆ ڤە بۆ دیوانا پارێزگەھا دھۆکێ ھاتیە ڤەگوھاستن و ل جھێ وی ژی رێڤەبەرێ ناحیا گردەسین ھاتیەدانان.
ل دویڤ نڤیسارا ھژمارە ٦٤ یا رێکەفتی ٢٥/١/٢٠٢١ هاتیه خویاكرن: ل دویڤ دەستھەلاتێن پارێزگەرێ دھۆکێ رێڤەبەرێ ناحیا رزگاری سەروەر سەعید بۆ دیوانا پارێزگەھا دھۆکێ ھاتیە ڤەگوھاستن و ل جھێ وی ژی سەگڤان سەبری عەزیز کو به‌رى نوكه رێڤەبەرێ ناحیا گردەسێن بوویە وەک رێڤەبەرێ ناحیا رزگاری ھاتیەدانان.
هه‌روه‌سا هه‌ر د وێ نڤیسارێ دا هاتیه: مقدەم مه‌عاز حسێن رەشید وەک رێڤەبەرێ ناحیا گردەسێن ب وەکاله‌ت ھاتیەدانان.
ل دۆر ڤێ ڤەگوھاستنێ ھشیار گولی، ئەندامێ جڤاتا پارێزگەھێ بۆ خانی نیۆز ئاشکراکر کو ڤەگوھاستنا رێڤەبەرێن ناحى و قه‌زایان ژ دەستھەلاتێن پارێزگەرێ دهۆكێنه و ب تنێ دانانا وان ژ دەستھەلاتێن جڤاتا پارێزگه‌هێنه.
