ب سەرپەرشتیا مەسروور بارزانی سەرۆکوەزیرێن هەرێما کوردستانێ، جڤاتا وەزیرێن هەرێما کوردستانێ، کۆمبوونا خو یا ئاسایی یا حەفتیانە ئەنجامدا .
د برگا ئیكێ یا کۆمبوونێدا دانوستاندن لدور میکانیزما بجهئینانا ماددێ پێنجێ ژ قانوونا چاکسازیێ یا ژمارە 2 یا سالا 2020 یا تایبەت ب رێکخستنا دەرمالان هاته کرن، لبەر رووناهییا قانوونا بەرکاران، كو پێدڤیە خەرجکرنا دەرمالێن ئەوێن ژهه‌ژى بن بهێنه پاراستن و دادپەروەری ھەبیت د خەرجکرنا دەرمالان و بهێنه بنه‌جهكرن بۆ ئەوێن ژهه‌ژى ل دویڤ قانونا بەرکاران.
برگا دووێ یا کارناما کۆمبوونێ، یا تایبەت بوو ب به‌رچاڤكرنا داهاتێن ناڤخۆیی و رۆلێ وەزارەتێن تایبەتمەند و هەمەجۆر كرن و رێکخستنا داهاتی ناڤخۆیی یێ هەرێمێ و ئاستێ پابەندیا وەزارەتان.
لدویڤدا جڤاتا وەزیران هەردوو رەشنڤیسێن پرۆژە قانوونا راستڤه‌كرنا قانوونا وەزارەتا دارایی و ئابووری ل هەرێما کوردستانێ) ب ئاراستەیا بجهئینانا رێڤەبەریا گشتی ل وەزارەت دارایی و ئابووری بۆ ڕێکخستنا کەرتێ دلنیایی وچاڤدێریکرنا کۆمپانیێن کەرتێ تایبەت د بیاڤێ چالاکیێن دلنیایی ل هەرێمێ و پەسەندکرنا پڕۆژە قانوونا بەرهەمئینان و ئینانا تۆڤى و شتلان و تۆمارکرن و پەسەندکرن و پارێزگاریکرن ل تەرزێن چاندنێ کو ئارمانجا سەرەکی یا ڤێ پرۆژه قانوونێ یه، رێکخستن وهاندانا کەرتێ تایبەتە بۆ بەرهەمئینانا تۆڤى و شتلان و ئینانا تۆڤى ل ژێر سەرپەرشتیا وەزارەتا چاندنێ و ژێده‌رێن ئاڤێ.
