ئه‌ڤرو ب سه‌روكاتیا مه‌سرور بارزانى سه‌روكێ حكومه‌تا هه‌رێما كوردستانێ و ب ئاماده‌بوونا قوباد تاله‌بانى جێگرێ سه‌روكێ حكومه‌تێ جڤاتا وه‌زیران كومبوونا خو یا حه‌فتیانه ئه‌نجامدا.
د كومبوونێ دا ئاوات شێخ جه‌ناب وه‌زیرێ دارایى و ئابوورى، رونكرنه‌كا زێده‌تر و پێدڤى سه‌باره‌ت ژماره و داتایێن تایبه‌ت ب داهات و خه‌رجى و كورتهێنانا ناڤ بودجه‌یا هه‌رێما كوردستانێ بو سالا 2021 به‌حسكر.
پشتى گه‌نگه‌شێ و لێكگوهارتنا بیرو بوچوونان سه‌باره‌ت ئه‌و تێبینى و سه‌رنجێن كو ژلایێ ئه‌ندامێن جڤاتا وه‌زیران هاتینه به‌حسكرن، بریار هاته‌دان وه‌زاره‌تا دارایى و ئابوورى و پلاندانانێ و سامانێن سروشتى، ب هه‌ماهه‌نگى دگه‌ل وه‌زیرێ هه‌رێمێ بو كاروبارێن په‌رله‌مانى، كومبوونا پێدڤى ئه‌نجام بده‌ن دگه‌ل لیژنێن تایبه‌تمه‌ند یێن په‌رله‌مانێ كوردستانێ، یێن دارایى و كاروباێن ئابوورى و سامانێن سروشتى و قانونى ، زێده‌بارى كومبوونه‌كا تایبه‌ت دگه‌ل هه‌مى فراكسیونێن ناڤ په‌رله‌مانى ، بو پێدانا پێزانینان و به‌رچاڤ رونكرنا زێده‌تر و لێكتێگه‌هشتنێن هه‌ڤپشك دناڤبه‌را حكومه‌ت و په‌رله‌مانى دا، بو وێ چه‌ندێ قانونه‌كا شه‌فاف و گشتگیر بهێته ئاماده‌كرن و پشتى په‌سه‌ندكرنێ ژلایێ جڤاتا وه‌زیران ڤه، بهێته هنارتن بو په‌رله‌مانێ كوردستانێ بو ده‌نگدانێ
